Verkrampf di net 


Wenn di da Wecker in da Fruah zum Wahnsinn bringt,
die Nachbarin ganz laut "O sole mio" singt,
im Badezimmer knöchltiaf des Wasser steht,
dann gibt´s nua ans: Verkrampf di net!

Und wenn dei Chef dann sagt: "Sie san entlass´n, Mann"
und wenn´s dia no dazua des Licht und a des Gas abdrah´n,
und a dei Freindin plötzlich auf an Ander´n steht,
dann gibt´s nua ans: Verkrampf di net!

Was immer a passiert, mia steck´n alles ei,
weil unsere Devise, de hoaßt locker sei,
ärgern soll´n si and´re, na, des liegt uns net,
unser Lebenselexier hoaßt: Verkrampf di net!

Kummst du dann früher z´Haus, dei Frau liegt no im Bett,
unter da Tuchern hat si grad dei bester Freind versteckt,
und wenn sie sag´n, es war nix, weil sie halten di für blöd,
dann gibt´s nua ans: Verkrampf di net!

Was immer a passiert, mia steck´n alles ei,
weil unsere Devise, de hoaßt locker sei,
ärgern soll´n si and´re, na, des liegt uns net,
unser Lebenselexier hoaßt: Verkrampf di net!


...